Steinstø Frukt- og kakebu har lenge vore eit fast «stopp» for trafikantar langs fjorden. Med verdskjent eplekake på disken og stort utval av frukt og bær har dei noko for ein kvar smak.

På andre sida av vegen ligg Steinstø Fruktgard idyllisk til. I dei fredelege og nasjonalromantiske omgjevnadane har Steinstø-slekta drive garden i 9 generasjonar. Garden er stor med sine 60 mål, og rommar ca. 5000 frukttre i tillegg til felt med jordbær og bringebær.

I tillegg til kafé og fruktutsal ved vegen, tek dei imot grupper til omvising og smakingar på tunet samt lunsj- og middagsgrupper i «Kjedlaren».

Kombiner gjerne med ein tur i Fykse Landskapspark!